كيف تكون منجز في حياتك ,, و كيف تنهي الاشياء و الاعمال اللي انت اجلتها
بحجة ان عندك مشاغل , و ما عندك وقت و الى غيره من الاعذار اللي اعتبرها واهيه
و ايش شعورك بعد الانجاز , و ايش الاحساس اللي يخلقه فيك الانجاز ..
اول شي ممكن تسويه , تكتب مهامك , و لو كانت صغيرة و تشوفها تافهه ,,
لما تكتب القائمة الطويلة اللي تعتقد بعد كتابتها انك مستحيل تنجزها ..!
النقطة الاولى :قسّم المهام على ايامك ,, بالتالي لما تقسمها تهون عليك و ما تشوفها كبيره ..
النقطة الثانية :, تراعي الاولويات .. ايش المهمة اللي راح تنفدها اول ,,
و النقطة الثالثه: و الاهم , انك تتنازل عن الكسل و التخاذل ..
و هذي النقطه هي المشكله الازليه لنا ,, احنا مبدعين و عندنا افكار كثير , بس الكسل يخلينا نتخاذل
و انا منكم .. و ممكن اعتبر اكثركم كسل ,,
يعني لي كم يوم و انا ابي اصور شي عندي ,, و مهم اني اصوره بس كنت كسلانه ..
بس لما حللت اهمية هذا الشي و اهمية تصويره ,, انا تشجعت و قلت يا بنت بلاش كسل
هذي ثلاث نقاط من وجهة نظري و اشوفها الاهم ,,
بالمقابل ايش تحس لما انت تنجز , كم شغلة في وقتها المحدد ..
ايش شعورك ,, لما انت كتبت المهام ,, و قسمتها , و نفضت عنك الكسل و انجزت ,,
” شعورك “
راح تفخر بنفسك , و هذا الشيء يزيد ثقتك بنفسك , و يزيد عطائك
راح تشعر بالسعادة , انه واو انا سويت كلها هذا ,, خططت و انجزت
شعور السعادة هنا مختلف تماماً عن اي سعادة اخرى و شعور اخر
حاجه ترفعك لفوق .. و تقويك , تحمسك و تخليك تنجز اكثر ,
كثير مننا ما يكتب اهدافه , و لا يعلقها قدامه و يخليها ف راسه ,, و انا كذا اوقات ..
بس شعور لما تكتب و تنجز ,, ترا مرره مختلف تماماً و انا مجربه هذا الشيء
شيء يحسسك انك قوي و قادر ,
و هي حقيقتاً احنا اقوياء و نقدر .. بس ما نعطي انفسنا فرصة ..
اعطي نفسك فرصة ,
اكتب مهامك , و انجز ,
راح تحس بشعور جميل , و سعادة مختلفه ,,
هذا كان موضوعنا لليوم , تكلمت فيه بكل عفويه و بدون ترتيب زي ما انتم عارفين ..
و اللي ما يعرفون , هذا برنامج العفوي اللي بدون ترتيب و لا تنسيق
من القلب الى القلب 
و شكرا لكم 
النور 