القريه النجديه في الرياض

من ألذ مطاعم الرياض , يدخلك جو خيالي  , بدايةً من الديكورات و انتهاء بالاكل 

ديكورات شعبيه قديمه و الاكل السعودي النجدي الشعبي , كل شي كل شي رائع

اللي يميّز هالمطعم الخصوصيه بحيث تكون جالس في غرفتك لا بارتشنات تضايق ولا شي 

المطعم له فرعين
الأول على شارع التخصصي على تقاطع شارع موسى بن نصير مقابل بنك الرياض
والثاني على شارع ابو بكر الصديق على تقاطع شارع الملك عبد الله مقابل كلية الأمير سلطان

صورة

صورة

هذا اللي يقابلنا عند مدخل العائلات .. 

وطلعنا الدور الثاني و اول شي يقابلك هذا الشخص .. يسوي القهوه والشاهي 🙂

صورة

صورة

مكان الانتظار لو ما كان فيه غرفه فاضيه

وهذي الغرفه من الداخل

صورة

اكلنا اللذيذ : طلبنا مقلوبه  وصحن مشكل فيه قرصان وجريش ورز و مقلقل

صورة

صورة

طلبنا لبن يجيك في الطاسه الغضار .. مرره يحمس تشربه لو ما تحب اللبن خخخ

و احنا طالعين اخذت كم لقطه للمطعم 

صورة

صورة

صورة

صورة

صورة

و بس كذاا ..مررره انبسطنا  و الحين جعت 😦 

رحله شيقه

احلى الرحلات الخاطفه بدون سابق انذار .. يعني كذا لما نقرر نروح الطايف طبعاً 

الطايف جوه روعه وناسه روعه ” طبعاً بيت امي نوره ” برده يجنن 

مع بداية السنه الهجريه رحنا لها 

صورة

طبعاً في السياره ما ينسمع صوت لأحد غيري انا وغاده .. تعالي ي بنت اجلسي ي بنت واللي معنا يسمعون هالسموفونيات الجميله اللي كلها شجن

صورة

وطبعاً كالعاده ما اخلي جبل الا اصوره .. مدري خلفتهم ونسيتهم والا ايش السالفه 

صورة

صورة

رحنا وانبسطنا وكل شي .. ورجعنا اليوم الثاني .. وقررنا ننزل جده مع كرا

الكل صدع وهجد الا انا اصور وبنتي تتكلم <- اللي يبي ينبسط في سفرته لا ياخذها هي وبنتها خخ 

وفي طريق العوده معنا هالورده اللي اهدتنا اياها خالتي من حديقتهم الغنّاء

صورة

صورة

و امي اصرت انها تجرب هالشاهي اللي ما يشجع ابد .. 

و مروراً بهالاشكال الجميله : )

صورة

صورة

صورة

وصلنا للتلفريك اللي مهدده في يوم من الايام اني اركبه مرافقه للبنات الصغار ..

يعني انا وش ذنبي اموت خوف عشانهم ينبسطون .. بس تركبيه يعني تركبينه 😦

وصلنا للديار بسلام .. والحمدلله على سلامتنا 🙂

سنة التميّز

غداً اول ايام السنه الجديده , ما اقول سنه حلوه و سنه احلى من اللي قبلها 

ابي اقول  انها سنة تحول في جميع المجالات .. كثيره اهداف في بالي , وكثير آمال وطموحات اتمنى تتحقق 

سنة تغيير للأفضل , سنة التميّز بإذن الله 

و ان شالله على بداية السنه اللي بعدها ارجع لهكلام و اكون حققت اللي ببالي 

رحمة الله تبهرنا و نزداد تعلقاً

صورة

 

 

عندما نترك جميع أمورنا لخالقنا , يُسيرنا كيف يشاء 
يرزقنا , يسعدنا , يعيننا ع الطاعات , وكل شي 
ونتفرغ نحن للدعوات , نبتهل و نسترجي رحمة الله 
فإننا لن نخسر أبدا , لن نحزن و لن نتهوه في الحياه 
فـ رحمة الله تبهرنا كل يوم و نزداد تعلقاً به